ચાકગતિ (rotational motion) ના લક્ષણો શું છે?

(N/A) દ્રઢ પદાર્થની કોઈ નિશ્ચિત અક્ષને અનુલક્ષીને થતી ચાકગતિમાં,પદાર્થનો દરેક કણ એક વર્તુળાકાર માર્ગે ગતિ કરે છે,જે અક્ષને લંબ સમતલમાં હોય છે અને તેનું કેન્દ્ર અક્ષ પર આવેલું હોય છે.
આકૃતિમાં,સંદર્ભ ફ્રેમની $Z$-અક્ષને અનુલક્ષીને દ્રઢ પદાર્થની ચાકગતિ દર્શાવેલ છે. ધારો કે $P_{1}$ એ દ્રઢ પદાર્થનો એક યાદચ્છિક રીતે પસંદ કરેલો કણ છે જે નિશ્ચિત અક્ષથી $r_{1}$ અંતરે છે. કણ $P_{1}$ એ $r_{1}$ ત્રિજ્યાના વર્તુળમાં ગતિ કરે છે,જેનું કેન્દ્ર $C_{1}$ નિશ્ચિત અક્ષ પર છે. આ વર્તુળ અક્ષને લંબ સમતલમાં આવેલું છે.
દ્રઢ પદાર્થનો બીજો કણ $P_{2}$ એ નિશ્ચિત અક્ષથી $r_{2}$ અંતરે છે. કણ $P_{2}$ એ $r_{2}$ ત્રિજ્યાના વર્તુળમાં ગતિ કરે છે,જેનું કેન્દ્ર $C_{2}$ અક્ષ પર છે.
$P_{1}$ અને $P_{2}$ દ્વારા વર્ણવેલા વર્તુળો અલગ-અલગ સમતલમાં હોઈ શકે છે,પરંતુ આ બંને સમતલો નિશ્ચિત અક્ષને લંબ હોય છે.
અક્ષ પરના કોઈપણ કણ માટે,જેમ કે $P_{3}$,$r_{3} = 0$ હોય છે. જ્યારે પદાર્થ ફરે છે ત્યારે આવા કણો સ્થિર રહે છે.
ભમરડાની ગતિમાં,આકૃતિમાં દર્શાવ્યા મુજબ અક્ષ નિશ્ચિત ન પણ હોઈ શકે. ધારો કે ભમરડો એક નિશ્ચિત જગ્યાએ ફરે છે.